Brad Pitt er einbeittur að ná heilsu eftir skilnaðinn við Angelinu Jolie haustið 2016. Leikarinn leit út fyrir að vera hamingjusamur og auðvitað, afar myndarlegur(!), á rauða dreglinum við frumsýningu á myndinni Okja í New York síðastliðinn fimmtudag.

Aðdáendur höfðu áhyggjur af heilsu leikarans þegar hann var orðinn allt of grannur á dögunum, enda á hann við eiturlyfja- og áfengisvanda að stríða, en hann er að komast í sitt besta form núna.

Leikarinn eyðir um sem samsvarar hálfri milljón íslenskra króna á dag til að halda sér edrú. Hann mætir á fundi hjá AA (Alcoholics Anonymous) og hefur einnig ráðið einkakokk og næringarfræðing: „Edrú-kokkurinn hans Brad hefur sett saman mataræði sem er sérstaklega fyrir fólk sem hættir að drekka og dópa og eiga erfitt með að borða fullar máltíðir vegna fráhvarfseinkenna og streitu,“ segir nafnlaus heimildarmaður í viðtali við Radar.

Einnig er Brad að hitta listmeðferðarfræðing og fleiri sérfræðinga.

„Hann er heilbrigðari og hamingjusamari en hann hefur verið í mörg ár þrátt fyrir að hann þurfi virkilega að eyða peningum í það,“ heldur heimildarmaðurinn áfram. Flestir myndu þó (hefðu þeir efni á því) að eyða slíkri summu í heilsuna. Hvað sem því líður er Brad orðinn hann sjálfur á ný.