Hún var háð skyndibitafæði en hefur nú náð af sér 50 kílóum eftir að unnustinn hætti við brúðkaupið. Jennifer Atkin er 24 ára og vonar nú að unnustinn fyrrverandi sé að „sparka í sjálfan sig“ eftir þessa ótrúlegu breytingu, en hún stefnir á að taka þátt í fegurðarsamkeppnum og vonandi komast í Ungfrú heim.

Jennifer var háð skyndibita og eyddi um 3000 krónum daglega í sukkið sem innhélt pizzur og pasta. Unnustinn hætti með henni nokkrum mánuðum fyrir fyrirhugað brúðkaup og þyngdist Jennifer mjög eftir það. Sem þyngst var hún um 114 kíló.

Hún tók því ákvörðun um að breyta lífi sínu algerlega – fór að borða hollan mat og fór reglulega í ræktina. Hún grenntist á undraverðum tíma og fór úr stærð 22 í stærð 10. Nú vegur hún um 60 kíló og er meira að segja búin að finna ástina á ný.

Í næsta mánuði tekur Jennifer þátt í Ungfrú Genting Sheffield keppninni og ef henni gengur vel mun hún verða Ungfrú England og jafnvel Ungfrú heimur.

Þegar hún hitti sinn fyrrverandi var hún 88 kíló: „Það var í mars árið 2011. Ég borðaði skyndibita og fjölskyldustærð af súkkulaði ásamt öðru. Um helgar sökktum við okkur í sjónvarpið, sátum í sófanum í náttfötunum og átum. Daginn sem hann hætti með mér vegna þess hvernig ég var orðin hélt ég að líf mitt væri búið. Þrátt fyrir að ég óski honum alls hins besta vona ég að hann sé að „sparka í sjálfan sig“ í dag vegna þess hvernig ég lít út í dag. Ég er allt önnur manneskja.“

„Ég grét í margar vikur eftir að við hættum saman. Ég notaði mat sem huggun. Þar sem ég var svo feit hélt ég að engum gæti þótt ég aðlaðandi á ný. En þetta var í raun það besta sem kom fyrir mig. Ég ákvað að snúa lífi mínu algerlega við. Mér líður dásamlega og ég er orðin sjálfsörugg á ný.“

Jen þarf að sýna bæði hæfileika og flott útlit í fegurðarsamkeppninni og hér er lagið sem hún ætlar að syngja…miklir hæfileikar hér á ferð!