Kendall Jenner sást með nýjum manni upp á arminn í London á dögunum. Rapparinn A$AP Rocky er sá heppni en þau reyndu að láta lítið fyrir sér fara og notuðu innganginn á bakvið á veitingastaðnum Mayfair. Síðan héldu þau á tónleika hjá rokkbandinu The Who. A$AP heitir réttu nafni Rakim Mayers og sáust þau fyrst saman í júní í fyrra þar sem þau borðuðu saman kvöldverð í París.
Auglýsing
Sjónarvottur sagði við The Sun: „Kendall og A$AP Rocky fóru í Royal Albert Hall tónleikahöllina saman og reyndu ekki að fela þá staðreynd að þau eru saman. Það var mikið um snertingar. Þetta voru ekki tveir vinir, heldur par. Kendall virtist mjög spennt fyrir honum.“
