Kínversk hljómsveit sem ögrar kynjaímyndum kallast Acrush og hefur hún algerlega slegið í gegn. Það sem einkennir hljómsveitina þó framar öðru er að strákarnir í hljómsveitinni eru alls ekki strákar…þeir eru fimm stelpur! Acrush er að gera allt vitlaust í Kína um þessar munir og mun fyrsta plata þeirra líta dagsins ljós í enda mánaðarins. Raunveruleikaþátturinn Husband Exhibition uppgötvaði stjörnurnar en þátturinn miðar að koma poppstjörnum á framfæri. Hefur hljómsveitin um milljón fylgjenda á Weibo (kínverska Twitter, svo að segja)….sem verður að teljast mikið þar sem stjörnur á borð við Katy Perry eru ekki með fleiri fylgjendur.
Hugtakið „husband“ er notað af kínverskum konum og nota þær það fyrir þær poppstjörnur sem þær vilja giftast. Þar sem um er að ræða stúlkur flækir það málið allsvakalega, en umboðsmaður hljómsveitarinnar, Zhou Xiaobai, segir að vinsældir bandsins megi einmitt rekja til þess að þær eru stúlkur – þær skilja konur því enn betur.
Li Yuchun, beggjakyns poppstjarna, vann hæfileikakeppninga Super Girl árið 2005. Fyrirtækið sem kom henni á framfæri vildi búa til hljómsveit undir sömu formerkjum og fundu þau 10 manns sem vildu taka þátt. Eftir tveggja mánaða æfingabúðir urðu Lu Keran, An Junxi, Peng Xichen, Min Junqian og Lin Fan meðlimir Acrush.
