Skemmtilegar fyrir og eftir myndir: Þráður var stofnaður á samskiptamiðlinum Reddit þar sem fólk deilir myndum af sér ungum og svo í dag. Er stundum talað um „ljóta andarunga“ í þessu samhengi þar sem ævintýrið frá árinu 1844 um litla ljóta andarunga Hans Christian Andersen snýr einmitt að þessu: Hann þolir háð og spott vegna útlits síns en breytist svo í gullfallegan svan þegar hann eldist.

Keppist fólk við að deila myndum af sér á þræðinum og eins og sjá má á myndunum hefur fólk breyst þó nokkuð! Mestu skiptir þó að fólk sé sátt í eigin skinni, ekki satt?