Hrífandi landslagsmyndband úr smiðju ljósmyndarans Þórarins Jónssonar hefur vakið ómælda athygli og ekki að ósekju. Þórarinn, sem heldur úti vefsíðunni Thor Photography og býður upp á ljósmyndatúra fyrir ferðamenn, hlóð upp myndbandinu sem tekið er á drónamyndavél, fyrir tveimur dögum síðan.
Auglýsing
Iceland Magazine fjallar um myndbandið, sem er seiðandi svo ekki sé meira sagt, fyrr í dag og leggur blaðamaður til að horft sé á myndbandið í fullri stærð og bestu hljóðgæðum, en tónlistin sem ekki er síðri en myndefnið sjálft, var samin af Ásgeiri Trausta.
