Þessi er ekki fyrir þá sem ætla að halda í við kaloríurnar, en hún er alveg sjúklega góð á bragðið og dásamlega falleg á besta kökudisk heimilsins. Uppskriftina afhjúpaði Martha í bókinni Martha Stewart Cakes sem kom út árið 2013 en ekkert hveiti er í uppskriftinni, sem er þar af leiðandi glútenlaus!
Er fegursta súkkulaðikaka heims fundin?
Hveitilaus 70% súkkulaðikaka – Uppskrift
3 msk ósaltað smjör og örlítil viðbót fyrir kökuformið
170 gr biturt súkkulaði, helst 70% kakósúkkulaði, fínsaxað
6 stór egg; aðskiljið rauðu og hvítu – látið standa við stofuhita
1 bolli sykur
3 msk instant espresso-kaffi
¼ tsk gróft salt
1 msk hreint vanilluþykkni
Forhitið ofninn í 175 gráður. Smyrjið hringlaga spring-kökuform að innan (svo auðveldara verði að taka kökuna úr forminu) og smyrjið líka hliðarnar að innnanverðu. Bræðið smjör og súkkulaði saman í vatnsbaði (lítilli skál) við vægan hita á hellu og hrærið saman þar til blandan er orðin mjúk og rennileg.
Þeytið saman eggjarauðurnar við ½ bolla af sykri með handþeytara á miðlungshraða þar til blandan er orðin þykk og föl, í ca. 3 mínútur. Bætið nú við espressodufti og salti; þeytið saman þar til allt er orðið jafnt og mjúkt, í u.þ.b. 1 mínútu. Bætið að lokum vanilluþykkninu og bræddu súkkulaði saman við, þeytið saman í 1 mínútu til viðbótar.
Þeytið eggjahvítur saman á miðlunghraða í annari skál, allt þar til hvíturnar eru teknar að freyða. Aukið nú hraðann á handþeytaanum og bætið ½ bolla af sykri í til vibótar og þeytið vel saman þar til hvíturnar eru stífþeyttar, í ca. 5 mínútur. Bætið í súkkulaðiblöndunni í þremur áföngum. Hellið nú deiginu í kökuformið og bakið þar til kakan er orðin tilbúin; í 40 til 45 mínútur. Fjarlægið kökuna úr forminu og berið fram á fallegum kökudisk. Berið glassúrinn (sjá uppskrift að neðan) fram með kökunni.
Sjá uppskrift að espressoglassúr fyrir neðan mynd:
70% súkkulaði- og espressoglassúr:
85 grömm biturt súkkulaði, helst 70% dökkt kakósúkkulaði, fínsaxað
1 ½ msk ósaltað smjör
2 tsk hreint vanillyþykkni
⅓ bolli þeytirjómi
⅓ bolli sykur
1 msk instant-espresso kaffi
¼ tsk gróft salt
Blandið súkkulaði, smjöri og vanilluþykkni saman í skál. Setjið þeytirjómann, sykurinn, espresso-duftið og saltið saman í lítinn pott og hitið upp að suðu, hrærið vel saman þar til sykurinn og espresso-duftið eru brædd að fullu. Hellið nú súkkulaðiblöndunni yfir og hrærið saman þar til glassúrinn er orðin áferðarfallegur og mjúkur.
ATH: Hægt er að gera glassúrinn allt að þremur dögum áður en kakan er bökuð og geyma í lokuðu íláti í kæliskáp. Hitið upp að nýju í lítilli skál sem er sett ofan á pott með sjóðandi vatni á eldavél (þ.e. hitið glassúrinn í lítilli skál yfir vatnsbaði) og hrærið vel þar til glassúrinn er orðinn mjúkur.
