Jólin komu snemma í ár hjá þessari fjölskyldu en læðan Tink fæddi fjóra kettlinga undir jólatréinu þeirra. Danielle Lopez er 17 ára gömul og hún og fjölskylda hennar björguðu kisunni Tink fyrir þremur mánuðum síðan: „Hún hefði dáið ef við hefðum ekki bjargað henni. Hún var ekkert nema skinn og bein,“ segir hún.
Fyrir tveimur dögum var Danielle í stofunni þegar hún heyrði lítið mjálm: „Ég hélt að þetta væri hin kisan okkar en þá var þetta fyrsti kettlingurinn grátandi. Ég var í sjokki!“
Þrír kettlingar fylgdu svo á eftir og allir fæddust þeir undir jólatréinu. Þeir voru eins og litlir pakkar! Fengu þeir allir nafn við hæfi: Noel, Joy, Christmas og Faith. Danielle setti mynd af þeim á Twitter og flestir höfðu á orði að þetta væri jólakraftaverk!
