Í stríðshrjáðu Sýrlandi þar sem milljónir hafa flúið heimili sín eru ófáir kattaeigendur í þeim hópi. Margir hafa ekki getað tekið þá með en fjöldinn allur hefur skilið þá eftir hjá Mohammad Alaa Jaleel sem kallar sig „kattamanninn“ í Aleppo. Hugsar hann vel um kisurnar og gefur þeim að éta. Einnig tekur hann myndir af þeim og sendir eigendunum sem komnir eru til annarra landa. Mikið væri heimurinn dásamlegur ef allir hugsuðu eins og Mohammad.