Fátt jafnast á við nýjan háralit meðan Vetur Konungur bítur í kaldar kinnar. Jafnvel væri ekki svo vitlaust að skreppa á hárgreiðslustofuna og næla sér í … fjólbláan háralit?
Það finnst Justin Bieber í það minnsta besta hugmyndin sem hægt er að gæla við í janúar, en barnungi flauelsbarkinn birti myndirnar hér að neðan á Instagram reikning sínum sl. föstudagskvöld og afhjúpaði þannig nýjan háralit sem sló vopnin algerlega úr höndum æsiblaðaljósmyndarana, sem annars elta stjörnuna á röndum.
Á laugardag deildi svo stúlknatryllirinn þessum ljósmyndum á Instagram:
Að því er kemur fram á slúðurvef Perez Hilton var söngvarinn í fylgd stílistans Florido, sem mun ábyrgur fyrir stíl drengisns og fylgir honum hvert fótmál, en Bieber fékk fjólubláu strípurnar á hárgreiðslustofunni Nine Zero One sem er staðsett í Beverly Hills.
Það var þó ekki fyrr en drengurinn greiddi hárið aftur og smellti af tveimur handklæðamyndum í ræktinni síðar þann sama dag sem allt bókstaflega varð vitlaust á Instagram og jafnvel ekki að ástæðulausu; Bieber er vaxinn úr grasi eins og meðfylgjandi myndir sýna og ætlar augljóslega ekki að feta troðnar slóðir á efri árum:
