Adele svíkur ekki fremur en fyrri daginn, en stjarnan tróð upp á sviði í New York sl. mánudag og var sjónvarpað frá tónleikunum, sem fram fóru í myndveri.
Viðburðurinn bar heitið Live In New York City“ concert special en þar fór Adele bókstaflega á kostum þar sem hún flutti efni af nýútkominni metsölubreiðskífu sinni, 25, sem hefur slegið öll sölumet. Hér má sjá sjálfa Adele á sviði flytja stórsmellinn All I Ask, en þó myndgæðin séu í slakari kantinum spillir upptakan ekki fyrir ógleymanlegum flutningi söngdívunnar og ekki ber á öðru en að hún sé enn stórkostlegri í beinum flutningi en í hljóðveri.
Spurningin er því þessi; hefur þú tryggt þér miða á Evróputúr Adele á næsta ári?
