Hún er klassískur óperusöngvari og ljósmyndari að mennt, en hefur lagt dýraljósmyndun fyrir sig, með sérstaka áherslu á rennblauta hunda. Alveg er það dásamlegt að fylgjast með verkum Sophie Gamand sem hefur naskt auga fyrir smáatriðum og er dásamleg í nálgun við rennblauta krúttmola, sem hrista feldinn og horfa ringlaðir á svip framan í linsuna.

Hugmyndin fæddist þegar Sophie tók höndum saman við dýraverndunarsamtök sem berjast fyrir ættleiðingu heimilislausra hunda undir kennimerkinu #AdoptDontShop – með öðrum orðum; að fólk eigi fremur að líta sér nær og ættleiða þá hunda sem hafa misst heimili sín í stað þess að eyða fúlgum fjár í hreinræktaða hvolpa, sem engin leið er að sjá fyrir hvort muni ílengjast hjá fjölskyldunni.

Sophie hefur oftleiðis látið til sín taka fyrir hönd málleysingja, unnið náið með dýraathvörfum og björgunarhópum sem hafa það eina hlutverk að tryggja öryggi heimilislausra gæludýra og hvetja til ættleiðingar. Nú hefur Sophie loks gefið út sína fyrstu bók, sem ber nafnið WET DOG og inniheldur yfir 120 ljósmyndir af rennblautum og undrandi hundum, sem vingjarnlegir á svip stara framan í linsuna.

Dásamleg bók sem færi eflaust vel í jólapakkann fyrir dýravininn, en sjálf á Sophie nokkra hunda og heldur áfram að ljósmynda hunda í dekrandi aðstæðum – verk hennar má meðal annars skoða HÉR en að neðan má sjá dásamleg sýnishorn úr sjálfri bókinni sem versla má gegnum vefsíðu Sophie: