KVENNABLAÐIÐ

Calvin trylltur úr bræði: „Ég kæri ykkur öll fyrir mannorðsmeiðingar! BÆ BÆ!“

Logandi heift og hótanir um lögsóknir streyma nú frá herbúðum Talyor Swift, en þar fer hryggbrotinn Calvin í fararbroddi. Skífuþeytirinn, sem er heimsþekktur, lét til skarar skríða á Twitter síðla í gær eftir að ljósmyndir af honum birtust, þar sem hann yfirgaf nuddstofu nokkra í Los Angeles, en um erótískt athvarf kynsoltinna karla mun vera að ræða (með öðrum orðum, hóruhús, þar sem munn- og lófamök munu meðal annars á boðstólum fyrir litla 40 dollara).

Þær sögur ganga nú fjöllunum hærra að Taylor hafi slitið sambandinu eftir að ljósmyndaröðin birtist á slúðurmiðlinum Radar Online og að Calvin hafi logið blákalt að söngkonunni ungu, með öðrum orðum – harðneitað, rétt eins og honum frægari karlar hafa áður gert – að hafa tekið framhjá unnustu sinni. Þó verður þeirri staðreynd seint neitað að Calvin mun hafa eytt ríflega tveimur klukkustundum á hóruhúsinu svonefnda og er ekki erfitt að gera sér í hugarlund hvernig drengurinn hefur eytt þeim tímanum.

Engu að síður, Calvin hefur sett fótinn í gólfið og sagðist þannig ætla að lögsækja þá sem hrundu sögunni af stað; ljósmyndarann sennilega líka – (þann sem smellti af myndunum, sem sýna Calvin yfirgefa bygginguna) og það sem meira er, Taylor – sem annars er þögul sem gröfin – virðist standa með ástmanni sínum gegnum þykkt og þunnt þar sem hún deildi tísti Calvin á sínum eigin reikning og hefur þar með tekið afstöðu með svikulum unnusta sínum.

Enginn vafi leikur á því að Taylor mun einnig ofboðið: 

taylorswiftfave

Parið sem lögsækir saman, stendur saman …

… jafnvel er hægt að fyrirgefa framhjáhald eftir allt saman, ef marka má Taylor?

Við vonum það besta og einnig að turtildúfurnar muni hrista sögusagnirnar af sér: 

Hæ!

Takk fyrir heimsóknina á sykur.is. Okkur þætti það alls ekki leiðinlegt ef þú myndir fylgja okkur á Facebook. Við erum ekki óþolandi þar. Í alvöru!