Stundum langar manni einfaldlega bara í ferskt og brakandi, íðilgrænt salat. Líkaminn hrópar hreinlega stundum á steinefni og trefjar, brakandi grænt salat og meðlæti. Að ekki sé talað um heimagerða salatsósu sem borin er fram með salatinu. Þessa uppskrift má hæglega prófa til – en hér er í það minnsta grunnurinn – aðeins öðruvísi salat með þurrkuðum trönuberjum, sætum og fínsöxuðum möndlum … og því sem hugurinn girnist!
Salatsósa – Uppskrift
⅓ bolli sykur
1 ½ msk valmúafræ
1 ½ msk sesamfræ
½ tsk paprikuduft
2 tsk sinnepfræ
1 msk svissaður, sætur laukur
½ tsk sjávarsalt
½ bolli hvítt balsamik edit (hvítvínsedik)
⅓ bolli ólívuolía
Blandið öllum hráefnum í ágæta salatflösku, lokið með þéttum tappa og hristið vel til að leysa upp sykurinn. ATH: Sykurmagnið má minnka ef halda á í við kaloríurnar.
Salat – hráefni:
350 gr grænt salat; klettasalat, spínatlauf
Eitt knippi af ferskum kóríander; stilkhreinsuð og vel hreinsuð lauf – fínsöxuð
2 meðalstór avókadó aldin; steinhreinsuð og smátt söxuð
Tæpur bolli þurrkuð trönuber
Tæpur bolli sykraðar og kryddaðar möndlur, smátt saxaðar
Byrjið á því að setja allt græna kálið og fínsaxaðan kóríanderinn í stóra salatskál. Bætið því næst við avókadó og þurrkuðum trönuberjum og dreypið u.þ.b. ¼ af salatsósunni. Blandið varlega saman. Dreifið söxuðum möndlum yfir salatblönduna og stráið salti og grófmöluðum, svörtum pipar yfir. Berið fram með salatsósunni.
