KVENNABLAÐIÐ

NO WALK OF SHAME: Amber Rose ELSKAR KYNLÍF og segist STOLT DRUSLA

Amber Rose lætur engan slá sig út af laginu, ekki einu sinni sjálfan Kanye West sem hélt því fram að hann hefði þurft að taka þrjátíu sturtur eftir sambandsslit þeirra; áður en Kim Kardashian einu sinni gaut auga til tilvonandi eiginmanns síns.

Amber, sem er beinskeytt og opinská, hefur þannig opinberlega gagnrýnt það tvöfalda siðgæði sem ríkir í kynferðismálum og hallar á réttindi kvenna. Gott betur en það, stúlkan hefur lagt á ráðin og hyggst ganga í nafni allra þeirra kvenna sem hafa verið skammgerðar fyrir það eitt að vera kynferðislega frjálsar.

Það er rétt, Amber Rose efnir til DRUSLUGÖNGU í Los Angeles á næstu dögum. Uppselt er á viðburðinn og er biðlisti ógnarlangur, en ágóði af sölu aðgöngumiða mun meðal annars notaður til að fjármagna HIV skimanir, fræðslu og stuðning fyrir þær konur sem þola hafa mátt háðyrði – jafnvel fyrir það eitt að sofa hjá karlmanni utan hjónabands, að ótöldum styrkjum til hjálpar reksturs stuðningshópa fyrir fórnarlömb kynferðislegs ofbeldis.

Sjálf mætti Amber ásamt nánustu vinkonu sinni, Blac Chyna á MTV verðlaunahátíðina, ílkæddar fatnaði sem á stóðu áletranirnar HÓRA og GULLGRAFARI, DRUSLA og TÍK sem ítrekar málstað þeirra; að berjast fyrir kynfrelsi kvenna og réttinum til að njóta frjálsra ásta án þess að eiga harðan dóm samfélagsins á hættu.

Drusluganga Amber Rose verður farin í október í Los Angeles, en hér má sjá hárbeitta og hrikalega fyndna kynningarstiklu sem Amber, í samvinnu við Funny or Die, setti í loftið fyrir skömmu og ber einfaldlega heitið NO WALK OF SHAME:  

Hæ!

Takk fyrir heimsóknina á sykur.is. Okkur þætti það alls ekki leiðinlegt ef þú myndir fylgja okkur á Facebook. Við erum ekki óþolandi þar. Í alvöru!