Leikkonan Tori Spelling sem lék í Beverly Hills 90210, fékk kvíðakast og var lögregla kölluð til, þann 1. mars 2018. Þegar lögreglan kom á staðinn var eiginmaður hennar, Dean McDermott, fyrir utan ráfandi fram og til baka.
Tori (44) hefur verið óstöðug á geði, en miklir fjárhagserfiðleikar herja á fjölskylduna.
Dean var inni í húsinu þegar Tori „gekk af vitinu“ og leit hann út fyrir að vera mjög kvíðinn og dapur, en hann var með hangandi haus á gangstéttinni.
Besta vinkona Tori, Mehran Farhat, tók Tori með sér heim til að reyna að hugga hana og sefa.
Lögreglan í Los Angeles sagðist hafa komið að húsi Tori Spelling eftir að hafa fengið símtal í neyðarlínuna, 911: „Þeir komu að húsinu um 7:15 að morgni og það var órótt í húsinu,“ segir talsmaður LAPD við Radar. „Tori hafði fengið taugaáfall vegna fjölskyldumála þegar kallið kom til neyðarlínunnar.“
Tori mun ekki hafa verið flutt á spítala og engar líkur þykja á að hún muni „skaða sjálfa sig eða aðra.“
Á miðvikudagskvöld hringdi Tori í neyðarlínuna einnig, því hún hélt að innbrotsþjófur væri á sveimi. Kom svo í ljós að það var eiginmaður hennar.
