iPhone aðdáendur um allan heim geta öfundað þetta par, en Chen Ming, ungur leikjaforritari frá Shenzen í Kína bað kærustunnar með nýstárlegum hætti og keypti heil 25 stykki sem hann raðaði í hjarta til að biðja hennar.
Chen forpantaði 25 stykki af iPhone X og um leið og símarnir komust í hans hendur raðaði hann þeim í hring á rósabeði með trúlofunarhring í miðjunni. Er iPhone X að sjálfsögðu nýjasti og flottasti síminn frá Apple. Kærastan bjóst ekki við neinu en vinir hans hjálpuðu honum að útfæra hugmyndina og komu með hana að tilteknum stað þar sem Chen bað hennar.
En af hverju iPhone X? Jú, þau skötuhjú eru bæði miklir aðdáendur tölvuleikja. Þegar þau hittust fyrir tveimur árum hafði Chen þróað leik sem er mikill hluti af sambandi þeirra enn í dag. Ef hverju 25? Kærastan, Lee er 25 ára.
Kærastan, sem hefur bara verið nefnd Lee, kom á staðinn og sá allt umstangið og gat ekki annað en játast honum. Verður hann samt að teljast heppinn, því öðrum kínverskum manni var hafnað fyrir þremur árum af kærustunni sinni, þótt hann hafi keypt iPhone 6 fyrir nær 10 milljónir króna.
