Youtube stjarnan og áhrifavaldurinn Simone Partner býr með unnusta sínum Joe, hundinum Brooke og 80 kg svíninu Milo, sem hún segir að sé henni eins og sonur.

Hún segir Milo vera hið fullkomna gæludýr. Hann kúrir upp í sófa með fjölskyldunni og leikur sér úti í garði með hundinum.

„Sumu fólki finnst við vera rugluð en flestir verða alveg heillaðir af Milo og fólk er alltaf að fá að koma og hitta hann. Við erum oft spurð að því hvort við förum með hann í göngutúra, eins og hundinn, en það þarf sérstakt leyfi til þess.“

„Maginn á honum er eins og klukka og á hverjum degi á milli 17:45 og 18:00, snarhættir hann því sem hann er að gera og öskrar á mat,“ segir hún.