Náungi sem hefur fengið mest „svæp” til hægri í heimi hefur nú fundið ástina..og nei – hann fann hana ekki á Tinder. Árið 2017 var hinn 29 ára Stefan Pierre-Tomlin sæmdur nafnbótinni „most swiped man” á stefnumótaappinu Tinder. 14.600 manns höfðu líkað við hann á tveimur árum

Nú er Stefan búinn að eignast kærustu – fyrrum X Factor keppandannNatasha Boon og féll hann fyrir henni á hefðbundinn hátt en þau kynntust í gegnum sameiginlegan vin.

Stefan eyddi fimm árum í að leita að ástinni á netinu áður en hann hitti Natashu: „Þegar ég sá Natöshu fyrst minnti hún mig strax á Marylin Monroe – hún var í þröngum rauðum kjól, með rauðan varalit og ljóst hárið var óaðfinanlegt. Hún hreinlega bræddi mig og það gerist sjaldan hjá mér. Ég var með fiðring í maganum og var bara: „Þetta er ekki eðlilegt!” Við töluðum saman í klukkutíma eða svo og ég fékk símann hjá henni áður en umboðsmaðurinn minn dró mig heim. Við skiptumst á sms-um allt kvöldið og nú erum við brjálæðislega ástangin.

„Venjulega nýtir fólk sér tæknina í dag til að finna ástina en ég og Natasha vorum heppin og ég er glaður við hittumst á „gamaldags” hátt.

Stefan, sem er frá London, fékk nokkur gigg í litlum sjónvarpsþáttum á borð við Celebs Go Dating. Hann átti í erfiðleikum með að tengjast konum í gegnum appið en fór á 15 stefnumót á tveimur árum.Sagði hann: „Þetta gekk ekki upp því konur höfðu meiri áhuga á frægð minni en persónuleikanum.”

Natasha og Stefan hafa verið saman síðan í apríl á þessu ári og búa saman. Natasha frétti ekki af þessari Tinder frægð hans fyrr en seinna og fannst það vandræðalegt: „Mér fannst þetta furðulegt, Mr. Tinder. Ég skildi ekki að hann þyrfti að finna konur á netinu, hann er svo myndarlegur. Ég verð dálítið afbrýðisöm þegar ég hugsa um hversu margar konur langar í hann en finnst það líka geggjað hversu mörgum líkar við hann. Mér finnst ég njóta forréttinda að vera með honum. Ég hef aldrei notað svona öpp sjálf.”