Leikkonan Cameron Diaz sýndi óvenjulegt lúkk fyrir Hollywoodstjörnu að vera, en hún stakk sér í sjóinn í St. Tropez í þessari viku. Var hún í langerma sundbol með blómamynstri. Sást til hennar ásamt eiginmanninum Benji Madden, en þau virðast afar ástfangin og hamingjusöm.

Diaz hefur ekki leikið í fimm ár, síðan í endurgerð Annie árið 2014. Eftir 25 ára feril hefur hún viðurkennt að hún sé búin, hætt að leika: „Ég horfi á þetta þannig, ég hef gefið almenningi helming lífs míns. Það er í lagi að ég taki tíma fyrir sjálfa mig til að endurskipuleggja og kjósa hvernig ég vilji koma aftur í heiminn. Ef ég ákveð það,“ sagði hún í viðtali við InStyle.

Mikið af tíma Diaz fer í eiginmanninn, sem hún giftist í janúar 2015 eftir að hafa verið par í sjö mánuði! „Að giftast honum er það besta sem hefur komið fyrir mig. Eiginmaður minn er bestur. Hann er frábær manneskja og æðislegur félagi.“

„Ég sakna þess ekki að koma fram. Ég horfi bara á landslagið og allt það. Hvað sem ég geri, það verður að vera eitthvað sem ég hef brennandi áhuga á – annars er það til einskis.“

Vinur hennar segir: „Hún er húsmóðir og líf hennar með Benji er innihaldsríkt. Hún er ánægð með að vera heima og elda. Hún elskar að elda fyrir Benji og vini hans. Það er ástríðan hennar og hún er ánægð. Hún er alltaf að prófa nýjar uppskriftir og elskar að deila mat með þeim sem í kringum hana eru.“