Söngkonan Fergie hefur nú sótt um skilnað við leikarann Josh Duhamel (46), tveimur árum eftir að þau skildu að borði og sæng. Fergie (44) fór með pappírana í Pasadena, Kaliforníuríki þann 31. maí 2019.

Þau tilkynntu um skilnaðinn í september 2017, en hættu að búa saman það ár. Þau eiga saman soninn Axl sem er fimm ára.

Vandræðin hófust þegar Fergie fór að vinna að plötunni sinni Double Dutchess: Seeing Double og helgaði sig vinnunni dag og nótt. Josh fannst hann útundan og varð mjög þreyttur: „Í lokin var sambandið hreinlega orðið eitrað,“ sagði nafnlaus heimildarmaður í viðtali við PEOPLE.

Annar heimildarmaður sagði: „Fergie endaði hjónabandið því hún gat þetta ekki lengur. Henni fannst hann ekki vera ástfanginn og hún var ekki viss heldur.“

Í lokin voru þau hætt að stunda kynlíf samkvæmt Fergie sjálfri.

Josh sást á veitingastaðnum Nobu í Malibu með óþekktri konu í vikunni. Fergie hefur ekki verið tengd neinum opinberlega síðan hún skildi.

Josh hefur sagt að hann muni vilja kvænast aftur og eignast börn á næstu árum: „Það er bara spurning um að finna einhverja sem er nógu ung til að eignast börn. Það er ekki eins og ég sé þarna úti að reyna að r*** einhverju. Ég er ekki þannig. Ég er að reyna að finna stelpu sem ég get verið með og eignast fjölskyldu með.“