Hver er kynþokkafyllsti háraliturinn þessa dagana? Jú, ný rannsókn segir að rauðhært fólk sé bæði að stunda meira kynlíf en áður OG þau séu einnig betri í rúminu en ljós- og dökkhært fólk! Samkvæmt rannsókninni hafa bæði Harry prins og Ed Sheeran haft mikil áhrif á kynlíf rauðhærðra Breta. Einn af hverjum fimm rauðhærðum segist hafa notið meiri athygli frá hinu kyninu frá því að Ed sló í gegn m.a. með laginu Shape Of You.
Casumo.com, sem stóð fyrir rannsóninnni segir: „Það kemur ekki á óvart að rauðhærðir vekja meiri athygli nú en áður. Rauðir lokkar eru mun vinsælli en áður og eru konur á borð við Emmu Stone og Isla Fisher fyrirmyndir margra kvenna.“
Einnig var spurt um kynþokkafyllstu rauðhærðu karlmennina. Kemur ekki á óvart en Harry prins var í fyrsta sæti, svo komu Ewan McGregor og Damien Lewis.
Kynlífsfræðingur frá Hamburg, Dr Werner Habermehl, rannsakaði kynlíf þúsunda þýskra kvenna og bar saman við háralitinn og voru rauðhærðar þar efstar á lista: „Kynlíf kvenna með rautt hár var mun „aktífara“ en annarra. Þær höfðu fleiri elskhuga en aðrar og stunduðu oftar kynlíf en meðaltalið.“
Sálfræðingurinn Christine Baumanns segir þetta ástæðuna: „Rautt táknar ástríðu og þegar maður sér rauðhærða konu telur hann að um sé að ræða einhverja sem ekki er hægt að bulla í. Þess vegna kemur hann sér beint að efninu þegar kemur að kynlífi.“
