Þegar þú sérð fyrst myndir af þessum ketti gætir þú haldið að við þær hefði verið átt með myndvinnsluforriti á borð við Photoshop. Svo er því miður ekki. Hann lítur út eins og Grettir/Garfield, en þetta þykir samt ekki fyndið.
Þegar eigandi Bronsons dó fór hann í athvarf fyrir gæludýr í West Michigan Humane Society. Allir furðuðu sig á því hvernig hann hefði getað orðið svona svakalega stór. Talið er að eigandinn hafi gefið honum kattanammi sem inniheldur mikið af kolvetnum, mörgum sinnum á dag.
Mike Wilson og Megan Hanneman „ættleiddu“ Bronson. Þeim féllust hendur þegar þau sáu hann fyrst: „Við vorum í sjokki. Við höfðum aldrei séð svona stóran kött. Hann var risastór og þurfti virkilega á hjálp að halda.“ Nýju eigendurnir telja að fyrrum eigandi hafi verið eldri borgari sem hafi lítið getað hreyft sig. Hann eða hún hafi gefið Bronson nammi á nokkurra klukkutíma fresti. Farið var með hann í læknisskoðun til að athuga hvort undirliggjandi heilsufarsvandamál væru til staðar en svo var ekki.
A post shared by Bronson the cat (@iambronsoncat) on
Nýju eigendurnir hanna húsgögn fyrir ketti, en þau þurftu í þessu tilfelli að hanna nýtt matarplan fyrir kisa. Í samráði við dýralækni fær Bronson 375 kaloríur á dag og fær bara megrunarfæði. Hann er einnig í vatnsmeðferð til að losa sig við aukakílóin.
Það er mikilvægt að Bronson grennist, því hann er með brotna tönn sem þarf að fjarlægja. Þar sem hann er í svo mikilli yfirvigt er ekki hægt að svæfa hann fyrir aðgerðina þar sem hún myndi ekki virka. Bronson sættir sig nú við nýja mataræðið, en vill alltaf meira. „Hann vekur okkur á nóttunni, mjálmandi, og biður um snarl,“ segir Mike. Kisinn er nú þegar búinn að léttast um eitt kíló og er á góðri leið. Eftir tvo mánuði mun tönnin verða fjarlægð. Þetta kennir okkur að gæludýrin okkar bera ekki skynbragð á hvað er „of mikið“ af mat. Pössum vel upp á dýrin okkar – þó dýrið betli mat, þýðir ekki að það sé svangt.
A post shared by Bronson the cat (@iambronsoncat) on
