Söngkonan ástsæla, Celine Dion, hefur sagt að hún sé alltaf að leita að leiðum til að líta út fyrir að vera yngri: „Ég skoða þessi tímarit og leita að einhverju til að sprauta í andlitið á mér. Ekki til að verða öðruvísi, heldur halda mér við.“ Hún segir að hún sé þó ekki hrifin af Botoxi, það geti haft áhrif á framkomu hennar á sviðinu.

Celine missti eiginmann sinn Rene Agelil árið 2016, en hann lést úr krabbameini. Hefur hún ekki fundið ástina á ný, en þau voru gift í 21 ár.

Lýtalæknirinn Dr. Dave David sem ekki hefur haft stjörnuna til meðferðar segir að hún hafi augljóslega látið eiga við sig: „Hún hefur farið í nefaðgerð, það er augljóst. Einnig hefur hún sett fyllingarefni í kinnarnar og brosið er öðruvísi. Augabrúnirnar bera merki um Botox og hún lítur út eins og önnur manneskja.“

Ekki eru allir sammála þessum ummælum lýtalæknisins, enda er Celine gullfalleg og glæsileg kona, sama hvort hún hefur farið í fegrunaraðgerðir eður ei.

Þrátt fyrir ummæli hennar sjálfrar um að hún sé opin fyrir fegrunaraðgerðum neita talsmenn hennar því að hún hafi látið „laga“ sig.