Aðeins tvö innihaldsefni eru í þessu kremi – þú trúir ekki hversu auðvelt þetta er: Gleymdu öllu sem tengist flórsykri eða köldu kaffi, þetta er uppskriftin sem þú átt eftir að elska!

Taktu nú vel eftir: Það eina sem þú þarft eru sætar kartöflur og súkkulaði

Þú sýður sætar kartöflur (eða ofnbakar þær, tekur lengri tíma). Afhýðir og skellir maukinu í matvinnsluvél þar til þú færð dásamlega mjúka blöndu. Þú setur í pott og hitar að suðu, tekur af hitanum og setur annaðhvort suðusúkkulaði eða 70% súkkulaði og lætur það bráðna samanvið kartöflurnar. Hrærðu af og til meðan það kólnar. Kremið á að vera að áferð eins og Betty Crocker kremin, bara miklu MIKLU betra.

Njótið þess að setja kremið á súkkulaðikökunar, vöfflurnar, ísinn….hvaðeina sem hugurinn girnist!