Hin rússneska Polina Glen átti mjög erfitt með alla fjölmiðlaathyglina og sagði skilið við leikarann villta, Johnny Depp. Polina var sjúklegur aðdáandi 21 Jump Street þegar hún var unglingur og svo endaði hún á að kyssa uppáhalds leikarann sinn árið 2018.

Þau ræddu meira að segja hjónaband, en þá var Johnny nýskilinn við Amber Heard. Nú segir Polina að hafa verið í sviðsljósinu hafi verið „ógnvænlegt“ og sagði vinum sínum að þetta kysi hún ekki: „Polina hataði athyglina sem sambandið færði henni. Hún fer núna huldu höfði í Rússlandi og sagði Johnny að áætlanir hans um hjónaband væru klikkun,“ segir vinur hennar.

Dansarinn þurfti einnig að þola sögur um sig, að hún væri með honum út af frægðinni og henni leist ekkert á hversu hratt sambandið þróaðist. Í stað þess að leyfa leikaranum að hitta foreldra hennar, Gennady og Irina, flúði Polina heim til Rússlands.

„Staða hans sem stjarna og baráttan við Amber tók of mikið á hana. Johnny var annars hugar vegna skilnaðardeilunnar og henni fannst ekki rétti tíminn að skuldbinda sig honum.“