Mynd segir þúsund orð…eða hvað? Leikkonan Kate Beckinsdale sem er nýskilin og Jamie Foxx, einnig nýskilinn, sáust saman á Golden Globe partý Hollywood Reporter. Á myndum virðast þau halda utan um hvort annað, hún setur hönd á bak hans og þau séu…já, býsna náin.
Kate (46) sá sig knúna til að útskýra málið á Instagram en hún segir þau Jamie (51) bara vera vini. Sagði hún við eina myndina: „Ég vil bara benda á að standi ég við hliðina á einhverjum þýðir ekki að hann sé kærastinn minn. Ég stend í röð í fatahreinsuninni og ef það er satt er ég í miklum vandræðum.“
Skilnaður Kate og Len Wiseman hefur nýlega gengið í gegn en þau hafa verið í biðstöðu í fjögur ár. Hún hitti vandræðagemsann Pete Davidson í einhvern tíma en ekkert varð úr því. Jamie er líka nýskilinn við Katie Holmes eftir sex ára samband en hann hefur verið orðaður við ýmsar konur, m.a hina tvítugu Sela Vave, en hann segir hann sé einungis að hjálpa henni í tónlistarbransanum.
