Fótboltamaðurinn Wayne Rooney, sem ekki hefur verið við eina fjölina felldur í kvennamálum, sást fara inn í hótellyftu með konu sem ekki var eiginkona hans í Kananda um helgina. Wayne, sem spilar nú fyrir DC United, var myndaður með dökkhærðu konunni á hóteli í kanadísku borginni Vancouver.

Voru myndirnar teknar um 5:30 aðfaranótt sunnudagsins 25. ágúst eftir heljarmikið drykkjukvöld með félögum hans. Rooney fór á tvo klúbba ásamt því að fara í heimsókn heim til vinar síns þar sem hann fór í heitan pott.

Í lok nætur sást Rooney aftur á hótelinu sem hann gisti á, Hyatt Regency, þar sem hann var með vini sínum og konunni. Sjónarvottur sagði: „Wayne skellihló með konunni sem var aðlaðandi og var tattooveruð á höndum. Þau hengu um stund og fóru svo í lyftuna saman.“

Coleen, eiginkona Wayne, var heima í Bretlandi ásamt fjórum sonum þeirra á meðan hann var í Kanada. Var hún í heimsóknum til fjölskyldumeðlima, en þau hafa ákveðið að flytja til Bandaríkjanna. Wayne ætlar að verða þjálfari og bíða með endurkomu í enska boltann.

Wayne, sem spilaði áður fyrir Manchester United, hefur alltaf sagst ætla að spila „þar til hann geti það ekki lengur.“ Hann segir: „Í fyrsta lagi er ég leikmaður. Ég hef ýmsa kosti sem ég kem með til liðsins. Þetta er fótbolti – það sem ég hef gert allt mitt líf og það sem ég elska. Þar til líkaminn segir að ég geti það ekki lengur, þá held ég áfram.“