Söngdívan Ariana Grande neyddist til að útiloka möguleikann á að fólk gæti sett athugasemdir við Instagramreikninginn hennar í dag eftir að fjöldamargir kenndu henni um dauða fyrrverandi kærastans Mac Miller, sem lést í dag (07.09.´18) af völdum ofneyslu.
Ariana og Mac voru par í tvö ár en skildu í maímánuði á þessu ári. Nokkrum vikum seinna upplýsti hún um að eiturlyfjaneysla hans hafi haft mikil áhrif á sambandsslitin. Ariana er nú trúlofuð Pete Davidson, eftir nokkurra vikna kynni.
Aðdáendur Mac vilja nú kenna henni um dauða hans og á síðustu mynd sem hún póstaði á Instagram, áður en kom í veg fyrir möguleikann á að kommenta voru:
„Þetta er þér að kenna“
„Þú gerðir honum þetta“
„Ég vona þú sért ánægð með Pete.“
Margir hafa tekið upp hanskann fyrir Ariönu en það er ljótt að sjá hversu dómhörð nettröllin geta verið.
Mac Miller keyrði á staur á dögunum og var handtekinn fyrir akstur undir áhrifum eftir að þau hættu saman. Margir kenndu henni um það atvik einnig, þrátt fyrir að hún hafi einungis óskað honum að verða edrú:
