Furðulegt andartak: Táningsdrengur lokast inni í lyftu eftir að hafa migið á lyftuhnappana í lyftunni sem orsakaði rafmagnsleysi. Einstaklingurinn ákvað að létta á sér í horni lyftu þegar hann skipti um skoðun og pissaði á lyftuhnappana.

Eftirlitsmyndavélar náðu þessu öllu en maðurinn bjó í þessari sömu byggingu. Ætlaði hann sennilega að gera næstu manneskju sem ferðaðist með lyftunni grikk, en vanhugsuð áætlun hans fór út um þúfur þar sem rafmagnskerfið datt út og reykur fór að myndast.

Maðurinn fór að verða mjög hræddur þegar ljósin kviknuðu og slökknuðu á víxl og rafmagnið fór af. Neitaði hann að hafa migið á hnappana, en eftirlitsmyndavélin náði öllu.

Foreldrar unga mannsins reyndu að þræta fyrir verknaðinn þegar hann náðist: „Hann getur ekki pissað svona hátt!“ sögðu þau….þar til þau sáu myndskeiðið.

Lyftan er enn í ólagi en búist er við að fjölskyldan þurfi að greiða viðgerðarkostnað.